DILI, 11 de Novembru de 2022
Governu Australia liu husi DFAT halo seremonia entrega Asset hanesan kareta ekipamentos Logistika, pecas ba kareta ambulancia no officina nebe durante ne’e estabelese hosi apoio ba manutensaun no reparasaun kareta ambulancia ba SNAEM, I.P. hanesan parte ida husi komprimisu Governu Australia nian hodi apoiu Ministerio da Saude, espesifiku iha Servisu Nasional Ambulansia Emergensia Medika, Instituisaun Publiku (SNAEM I.P) hodi jere no asegura nafatin funsionamentu officina Ambulansia iha INS Dili.
Diretor Jeral SANEM I.P dr. Horacio Sarmento da Costa iha oportunidade ne’e hato’o agradesimentu wain ba Governu Australia ne’ebe maka fo apoiu makas tebes durante kooperasaun ho Ministerio da Saude desde ke ambulancia sei hanesan departemento ida no iha procesu transisaun mai SNAEM, I.P. Asset sira nebe entrega iha occasion ida ne’e mak hanesan Kareta ba mekaniku rua (Suzuki Carry ho Ford Ranger) Kontentor 8 inklui pecas, oli, filtro ba manutensaun rutina kareta ambulancia sira no ekipamentos skritorio sira ho total montante orsamento AUS$ 83,727.51. Alende ne’e apoio sira ne’ebe sei kontinua fo ba SNAEM mak hanesan apoiu Teknikal Asistente nebe sei to dia 30 de Junho 2023, apoio dezemvolve CPGs (Clinical Practice Guidline) no apoiu prepara planu Estratejiku SNAEM I.P nian.
Apoio hirak ne’e hodi garantia nafatin kontinuasaun servisu manutensaun rutina ba Ambulansia sira iha teritorio Timor-Leste.
Ho servisu sira ne’ebe maka durante ne’e halo, ita bele ona asegura disponibilidade Ambulansia sira liu husi pursentu 95, aleim de ne’e kustu ba manutensaun no reparasaun ba ambulansia sira mos menus, no bele garantia nia kualidade kompara ho oficina sira iha liur. Diretor Jeral SNAEM,I.P solicita atu nafatin iha koperasaun hamutuk ho DFAT no PHD ba iha futuru.
Iha fatin hanesan representante DFAT Sra. Paky, Counselhor Saude, agradese ba servisu hamutuk ne’ebe maka diak tebes entre Governu Australia liu husi DFAT no PHD ho SNAEM,I.P, iha area transporte Ambulansia nian. Ho apoiu sira ne’ebe iha, ita konsege asegura disponibilidade ba ambulansia liu-liu asegura nafatin procesu manutensaun no reparasaun hodi fo atendemento ba populasaun hotu iha teritorio Nasional. DFAT no PHD nafatin fo apoiu tekniku hodi nafatin halo supervisaun, no fo apoiu teknikal ba pessoal sira iha officina INS to’o tinan oin.
DFAT no PHD iha esperansa boot katak, ho entrega sasan sira ne’e Governu Timor-Leste liu husi SNAEM I.P bele disponibiliza orsamentu ne’ebe sufisiente hodi garantia nafatin funsionamentu officina refere.
Ceremonia refere partisipa husi estrutura SNAEM, I.P. no Sra. Backy Counselhor Saude DFAT, Sra. Julia husi Embasada Australia, Sr. Ismael Barreto, Xefe Saude PHD nian inklui Sr. Herkulanu, Manajer ba Programa Transisaun Saude husi PHD no mekaniku sira hotu iha Oficina.