Emerjénsia 110

Termo de Referençia

Centro Informasaun Emerjensia (AMBULANSIA) – 110

Objektivu jeral husi estabelese Telefonista mak hodi halao komunikasaun no koordenasaun informasaun hanesan Simu, Analisa, Responde no fo Solusaun ba rekezitus liu husi xamada telephone/ radio komunikasaun, iha centro informasaun emerjensia – 110 ne’ebe formaliza ona. Xamada/ rekezitus mai husi komunidade i/ no husi fasilidade saude, ba atendementu/ kuidadus pre-hospital ba ema moras/ vitima liu husi tratamentu Primeiro Sokoru iha Salva Vida Basiku, antes ou durante halao evakuasaun ho viaturas ambulansia ba fasilidade saude ne’ebe apropriadu (ez. kazu trauma, interna, ahi han, no maternidade).

Objektivu spesifiku nu’udar mos Dever espesial husi Telefonista, mak hanesan tuir mai ne’e:

  1. Simu xamada ne’ebe tama husi Komunidade no mos husi Fasilidade Saude (Kuidadus Primaria, Sekundaria no Tersiaria).
  2. Rejistu informasaun sira iha Sistema Dadus Baze (Computer Aid Dispatch) online, no mos rejisto iha livro.
  3. Halo komunikasaun ba analisa kazu ho parte kliniku relasiona ho kondisaun pasiente/ vitima.
  4. Halo komunikasaun/ koordena informasaun ho Hospital/ Centro Saude ba prosesu triajen.
  5. Fahe informasaun ba ekipa mediku/ ambulansia ne’ebe fo atendmento iha servisu rotasaun.
  6. Halo komunikasaun/ koordena informasaun ba utilizasaun meios transporte urjensia/ emerjensia hanesan viaturas Ambulansia Terestre, Aero (MAF) no Maritima (Ro Ambulansia) ba evakuasaun.
  7. Halo komunikasaun/ koordena informasaun ho parte MAF, Kapitaun Ro, no Kareta Ambulansia.
  8. Halo komunikasaun/ koordena informasaun ho Delta Base (PNTL) no mos protesaun civil (Bombeiros).
  9. Halo akompanhamento ba prosesu evakuasaun pasiente/ vitima husi no to’o fasilidade saude dizignadu.
  10. Prepara no submete relatorio aktividade Mensal, Trimestral no mos Anual.
  11. Kria ambiente servisu ne’ebe diak iha centro informasaun emerjensia – 110.
  12. Fornese no asegura dadus baze husi atendmentu ne’ebe iha haktuir nesesidade.
  13. Halo prestasaun sira kumpri mos ba protokolu Prevensaun no Kontrola Infeksaun (IPC)
  14. Asegura mos ba konvidensial dadus pasiente/ vitima
  15. Fornese atendementu iha tempo 24/ 7 laran